നാല് വയസുകാരിയെ വീട്ടിലെത്തിച്ച് ലൈംഗികമായി പീഡിപ്പിച്ചു; പൊലീസ് ഉദ്യോഗസ്ഥന്‍ അറസ്‌റ്റില്‍

 rape case , police , minor girl , Rape , പൊലീസ് , പീഡനം , ലൈംഗികത
മുംബൈ| Last Updated: ശനി, 22 ജൂണ്‍ 2019 (16:24 IST)
നാലു വയസുകാരിയെ ലൈംഗികമായി പീഡിപ്പിച്ച പൊലീസ് ഉദ്യോഗസ്ഥന്‍ അറസ്‌റ്റില്‍. മുംബൈ താഡ്‌ദേവ് പൊലീസ് സ്‌റ്റേഷനിലെ കോണ്‍‌സ്‌റ്റബിളായ സഞ്ജയ് വാഖ്മാരേയാണ് (32) പിടിയിലായത്.

വീട്ടിനടുത്ത് താമസിക്കുന്ന ബാലികയെ ആണ് സഞ്ജയ് പീഡനത്തിനിരയാക്കിയത്. മിഠായി നൽകാമെന്ന് പറഞ്ഞ് വീട്ടിലേക്ക് വരുത്തിയ ശേഷം കുട്ടിയെ ലൈംഗിമായി പീഡിപ്പിക്കുകയായിരുന്നു.

വീട്ടില്‍ മടങ്ങിയെത്തിയ കുട്ടി പീഡനവിവരം അച്ഛനോട് പറഞ്ഞു. തുടര്‍ന്ന് വഡാല പൊലീസില്‍ പരാതി നല്‍കി. കേസെടുത്ത് അന്വേഷണം ആരംഭിച്ച പൊലീസ് പോക്‍സോ ഉൾപ്പെടെയുള്ള വകുപ്പുകൾ പ്രകാരം സഞ്ജയ്‌ക്കെതിരെ കേസെടുത്ത് അറസ്‌റ്റ് ചെയ്യുകയായിരുന്നു.

മുമ്പും നിരവധി ആ‍രോപണങ്ങള്‍ നേരിട്ട ഉദ്യോഗസ്ഥനാണ് സഞ്ജയ്. നേരത്തേ ട്രോംബെ സ്റ്റേഷനിലായിരുന്ന സഞ്ജയിനെതിരേ ഒരു യുവതിയെ ശല്യം ചെയ്തു എന്ന പരാതിയുണ്ടായിരുന്നു. വാക്കുതർക്കത്തിനൊടുവിൽ മേലുദ്യോഗസ്ഥനെ അടിച്ചതിനെത്തുടർന്നാണ് താഡ്‌ദേവ് സ്റ്റേഷനിലേക്ക് സ്ഥലം മാറ്റിയത്.


ഇതിനെക്കുറിച്ച് കൂടുതല്‍ വായിക്കുക :