ആറ് വയസ്സുകാരിയെ അമ്മയും കാമുകനും ചേര്‍ന്ന് കൊലപ്പെടുത്തി; കാരണം ഞെട്ടിക്കുന്നത്

ആറ് വയസ്സുകാരിയോട് അമ്മയുടെയും കാമുകന്റെയും ക്രൂരത

ന്യൂഡല്‍ഹി| സജിത്ത്| Last Modified വെള്ളി, 15 ഡിസം‌ബര്‍ 2017 (11:11 IST)
ആറ് വയസ്സുകാരിയെ അമ്മയും കാമുകനും ചേര്‍ന്ന് കഴുത്തറുത്ത് കൊലപ്പെടുത്തി. അച്ഛന്‍ വീട്ടിലില്ലാത്ത സമയത്ത് അമ്മയെയും കാമുകനെയും ഒരു പ്രത്യേക സാഹചര്യത്തില്‍ കുട്ടി കാണുകയും ഇക്കാര്യം അച്ഛനോട് പറയുമെന്ന് പറഞ്ഞതുമാണ് ഇത്തരമൊരു കൊലയ്ക്ക് കാരണമായതെന്ന് പൊലീസ് പറഞ്ഞു.

ഡല്‍ഹി ഗാസിയാപുരില്‍ ബുധനാഴ്ച രാത്രിയാണ് സംഭവം നടന്നത്. കാമുകനാണ് കഴുത്തറുത്തത്. കുട്ടിയുടെ അമ്മ ഇരുകൈകളും പിടിച്ച്‌ വെക്കുകയും ചെയ്തു. കേസുമായി ബന്ധപ്പെട്ട് 29 കാരിയായ അമ്മയെയും 23 കാരനായ കാമുകന്‍ സുധീറിനെയും പൊലീസ് അറസ്റ്റ് ചെയ്തു.

തങ്ങളാണ് കുട്ടിയെ കൊലപ്പെടുത്തിയതെന്ന് ഇവര്‍ പൊലീസിനോട് സമ്മതിച്ചിട്ടുണ്ട്. നഗരത്തില്‍ കൈവണ്ടി വലിക്കുന്ന ജോലിക്ക് പോവുന്ന ഭര്‍ത്താവ് ബുധനാഴ്ച വൈകുന്നേരം മദ്യപിക്കാന്‍ പുറത്തുപോയ സമയത്താണ് സുധീര്‍ വീട്ടിലേക്കെത്തിയതെന്ന് പൊലീസ് പറഞ്ഞു. കൊലചെയ്യാന്‍ ഉപയോഗിച്ച കത്തിയും പൊലീസ് കണ്ടെടുത്തു.



ഇതിനെക്കുറിച്ച് കൂടുതല്‍ വായിക്കുക :