ഓസീസിനെതിരായ നാലാം ഏകദിനത്തില്‍ തോല്‍‌വി ഏറ്റുവാങ്ങിയതോടെ ടീം ഇന്ത്യയ്ക്കു മറ്റൊരു തിരിച്ചടി കൂടി. ഐസിസി ഏകദിന റാങ്കിങ്ങിലെ ഒന്നാം സ്ഥാനമാണ് ഈ തോല്‍‌വിയോടെ ഇന്ത്യയ്ക്ക് നഷ്ടമായത്. ഇതോടെ ദക്ഷിണാഫ്രിക്ക ഒന്നാം സ്ഥാനത്തെത്തുകയും ചെയ്തു.

അതേസമയം, അഞ്ചാം ഏകദിനത്തില്‍ ജയിക്കാന്‍ സാധിച്ചാല്‍ ഇന്ത്യയ്ക്കു ഒന്നാം സ്ഥാനം തിരിച്ചു പിടിക്കാന്‍ കഴിയും. ഓസ്‌ട്രേലിയയാണ് ഈ പട്ടികയില്‍ മൂന്നാം സ്ഥാനത്തുള്ളത്. എന്നാല്‍ ട്വന്റി-20 റാങ്കിങ്ങില്‍ ഇന്ത്യ അഞ്ചാം സ്ഥാനത്താണുള്ളത്.