അയാളാണ് എന്നെ ആദ്യമായി ‘ഹിറ്റ്മാന്‍’ എന്ന് വിളിച്ചത്: രോഹിത് ശര്‍മ്മ പറയുന്നു

‘ഹിറ്റ്മാന്‍’ എന്ന് എന്നെ ആദ്യമായി വിളിച്ചത് ആ ആരാധകനായിരുന്നു: രോഹിത് ശര്‍മ്മ

Rohit Sharma , Hitman , Cricket , ഹിറ്റ്മാന് , രോഹിത് ശര്‍മ്മ , ക്രിക്കറ്റ് , ടീം ഇന്ത്യ
സജിത്ത്| Last Modified വ്യാഴം, 28 ഡിസം‌ബര്‍ 2017 (11:20 IST)
അലസതയുടെ പ്രതിരൂപമെന്നാണ് ഒട്ടുമിക്ക ക്രിക്കറ്റ് ആരാധകരും രോഹിത് ശര്‍മയെ വിശേഷിപ്പിക്കുന്നത്. എന്നാല്‍ താളം കണ്ടെത്തിയാല്‍ രോഹിത് ശര്‍മയെ പോലെ അപകടകാരിയായ ഒരു ബാറ്റ്‌സ്മാന്‍മാര്‍ ഇന്ന് ക്രിക്കറ്റ് ലോകത്ത് വേറെയില്ല എന്നതാണ് വസ്തുത.

ശ്രീലങ്കക്കെതിരെ നടന്ന ഏകദിന, ട്വന്റി-20 പരമ്പരകളില്‍ ഇന്ത്യയെ നയിച്ച രോഹിത് നേടിയ ഇരട്ട ശതകവും ട്വന്റി-20യിലെ അതിവേഗ ശതകവും നേടി പരമ്പര തന്റേതാക്കി മാറ്റാനും അദ്ദേഹത്തിനു കഴിഞ്ഞു. ഇത്തരം പ്രകടനങ്ങളെ തുടര്‍ന്നായിരുന്നു രോഹിതിന്റെ ഇരട്ട പേരായ ഹിറ്റ്മാന്‍ വൈറലായത്.

ഇപ്പോള്‍ ഇതാ തനിക്ക് ഹിറ്റ്മാന്‍ എന്ന പേര് വന്നതിന്റെ കാരണം വെളിപ്പെടുത്തിയിരിക്കുകയാണ് രോഹിത്. 2013ല്‍ ബംഗളൂരുവില്‍ ഓസീസിനെതിരെ ഏകദിന കരിയറിലെ ആദ്യ ഇരട്ട ശതകം നേടിയതിന് പിന്നാലെയാണ് താന്‍ ഹിറ്റ്മാനായി മാറിയതെന്ന് താരം പറയുന്നു.

മത്സരശേഷം ഒരു ആരാധകന്‍ രോഹിതിനോട് താങ്കളുടെ പേര് ‘രോഹിറ്റ്’ എന്നല്ലേ തികച്ചും ഒരു ഹിറ്റ്മാനെ പോലെയാണ് താങ്കള്‍ കളിച്ചതെന്ന് പറഞ്ഞു. ഇത് കേട്ട രവിശാസ്ത്രി അത് പിന്നീട് കമന്ററിയില്‍ ഉപയോഗിച്ചെന്നും തുടര്‍ന്നാണ് താന്‍ ഹിറ്റ്മാനായതെന്നും രോഹിത് പറയുന്നു.




ഇതിനെക്കുറിച്ച് കൂടുതല്‍ വായിക്കുക :