നായകനല്ലെന്ന് ധോണി മറന്നു, നാണക്കേട് മറയ്‌ക്കാന്‍ കോഹ്‌ലിയുടെ നാടകീയ ഇടപെടല്‍ - വീഡിയോ കാണാം

നിങ്ങളല്ല, ഞാനാണ് നായകന്‍, കോഹ്‌ലി ധോണിയോട് എന്തെങ്കിലും പറഞ്ഞോ ?; നാടകീയ ഇടപെടലിന്റെ വീഡിയോ കാണാം

 india england first ODI , MS Dhoni , Virat Kohli , Eoin Morgan , team india , മഹേന്ദ്ര സിംഗ് ധോണി , വിരാട് കോഹ്‌ലി , ഹാര്‍ദിക് പാണ്ഡ്യ , ഇന്ത്യ ഇംഗ്ലണ്ട് ഏകദിനം , ഡിസിഷന്‍ റിവ്യൂ
പൂനെ| jibin| Last Modified തിങ്കള്‍, 16 ജനുവരി 2017 (14:03 IST)
ഇന്ത്യന്‍ ടീമിന്റെ നായകസ്ഥാനം വിരാട് കോഹ്‌ലിക്ക് കൈമാറിയിട്ടും ക്യാപ്‌റ്റന്‍‌സിയുടെ ഹാങ്ഓവര്‍ മാറാതെ മഹേന്ദ്ര സിംഗ് ധോണിയുടെ ഇടപെടല്‍. ഇംഗ്ലണ്ടിനെതിരായ ആദ്യ ഏകദിന മത്സരത്തിലായിരുന്നു ധോണിയുടെ തീരുമാനമുണ്ടായത്.

ഹാര്‍ദിക് പാണ്ഡ്യയുടെ പന്ത് ഇംഗ്ലണ്ട് നായകന്‍ ഇയാന്‍ മോര്‍ഗന്റെ ബാറ്റിലുരസി നേരെ ധോണിയുടെ കൈകളിലെത്തി. നിര്‍ണായക വിക്കറ്റ് ലഭിച്ചതിന്റെ സന്തോഷം മറച്ചുവയ്‌ക്കാതെ ധോണി ആഹ്ലാദപ്രകടനം നടത്തുകയും ചെയ്‌തു. എന്നാല്‍ അമ്പയര്‍ ഔട്ട് വിളിച്ചില്ല.

ഉടന്‍ ധോണി കൈകള്‍ ഉയര്‍ത്തി ഡിസിഷന്‍ റിവ്യൂവിന് അപ്പീല്‍ ചെയ്യുകയായിരുന്നു. അബദ്ധം മനസിലാക്കിയ കോഹ്ലി ഉടന്‍ തന്നെ അമ്പയറോട് ഡിആര്‍എസ് ആവശ്യപ്പെട്ടു. ധോണിയുടെ തീരുമാനം ശരിവയ്‌ക്കുന്നതായിരുന്നു മൂന്നാം അമ്പയറുടെ തീരുമാനം. 28 റണ്‍സായിരുന്നു ഇംഗ്ലണ്ട് നായകന്റെ സംഭാവന.

ക്യാപ്‌റ്റന് മാത്രമെ ഡിആര്‍എസിന് അപ്പീല്‍ ചെയ്യാന്‍ പറ്റൂ എന്നിരിക്കെ ധോണി അബദ്ധത്തില്‍ തീരുമാനം മൂന്നാം അമ്പയര്‍ക്ക് വിടാന്‍ കൈകള്‍ ഉയര്‍ത്തി ആവശ്യപ്പെടുകയായിരുന്നു.


ഇതിനെക്കുറിച്ച് കൂടുതല്‍ വായിക്കുക :