സജിത്ത്|
Last Modified വെള്ളി, 8 സെപ്‌റ്റംബര്‍ 2017 (09:59 IST)
ഇന്ത്യയുടെ വനിതാ ക്രിക്കറ്റ് ടീം നായിക മിതാലി രാജിനെതിരെ രൂക്ഷ വിമര്‍ശനവുമായി സദാചാരവാദികള്‍. കഴിഞ്ഞ ദിവസം സഹപ്രവര്‍ത്തകരോടൊപ്പം നില്‍ക്കുന്ന ചിത്രം മിതാലി തന്റെ ട്വിറ്ററില്‍ പോസ്റ്റ് ചെയ്തിരുന്നു. ഈ ചിത്രത്തിനു നേരെയാണ്
ട്വിറ്ററില്‍ സദാചാരവാദികള്‍ ആക്രമണം അഴിച്ചുവിട്ടത്.
ഇത്തരത്തിലുള്ള ഒരു ചിത്രം പോസ്റ്റ് ചെയ്യാന്‍ നിങ്ങള്‍ സിനിമാ നടിയല്ലെന്നും നിങ്ങളോടുള്ള ജനങ്ങളുടെ ബഹുമാനം കളയരുതെന്നുള്ള പ്രതികരണങ്ങളുണ്ടായി. വ്യക്തിപരമായ അധിക്ഷേപം തുടര്‍ന്നപ്പോള്‍ രൂക്ഷമായ മറുപടിയുമായി മിതാലി രംഗത്തെത്തുകയും ചെയ്തു.
ഇത്തരത്തിലുള്ള പരിഹാസങ്ങള്‍ക്ക് മറുപടിപറഞ്ഞ് സമയം കളയാന്‍ തനിക്ക് താല്പര്യമില്ലെന്നും അപഹാസ്യമാണ് ഇതെന്നും തന്നെ വിമര്‍ശിക്കുന്നവരോട് സഹതാപമാണ് തോന്നുന്നതെന്നും അവര്‍ തങ്ങളുടെ സമയം പ്രയോജനപ്രദമായ രീതിയില്‍ ചെലവഴിക്കുന്നില്ലെന്നുമായിരുന്നു മിതാലി പ്രതികരിച്ചത്.
