ധാക്ക|
Last Modified വ്യാഴം, 8 ജനുവരി 2015 (16:38 IST)
ലോകകപ്പ്‌ ടീമില്‍ ഉള്‍പ്പെട്ട ബംഗ്ലാദേശ് ക്രിക്കറ്റ് താരം താരം റുബെല്‍ ഹുസൈന്‍ പീഡനക്കേസില്‍ പിടിയിലായി. വിവാഹ വാഗ്‌ദാനം നല്‍കി പീഡിപ്പിച്ചുവെന്ന
നസ്നിന് അക്‌തര്‍ ഹാപ്പി(19) എന്ന ചലച്ചിത്ര നടിയുടെ പരാതിയിലാണ് ഹുസൈന്‍ അറസ്റ്റിലായത്. അറസ്റ്റിലായ റുബെല്‍ ഹുസൈനെ മെട്രോപൊളിറ്റന്‍ മജിസ്‌ട്രേറ്റ്‌ കോടതി റിമാന്‍ഡ്‌ ചെയ്‌തു.
കേസില്‍ താരത്തിന്റെ ജാമ്യാപേക്ഷ കോടതി നിരസിച്ചിരിക്കുകയാണ്. ഇതുകൂടാതെ ഇരുവരേയും വൈദ്യ പരിശോധനയ്ക്ക് വിധേയരാ‍ക്കാനും കോടതി ഉത്തരവിട്ടിട്ടുണ്ട്. വിവാഹത്തിന് സമ്മതിച്ചാല്‍ കേസ്‌ പിന്‍വലിക്കാമെന്നാണ് നസ്നിന് ഹാപ്പി പറയുന്നത്.
അടുത്ത മാസം തുടങ്ങാനിരിക്കുന്ന ലോകകപ്പില്‍ കളിക്കാന്‍ തയ്യാറെടുക്കുന്നതിനിടെയാണ് ക്രിക്കറ്റ് താരത്തിനെതിരെ പരാതിയുയര്‍ന്നിരിക്കുന്നത്. എന്നാല്‍ ആരോപണങ്ങള്‍ പണം തട്ടിയെടുക്കാനുള്ള ശ്രമമാണെന്നാണ് റുബെല്‍ ഹുസൈന്‍ പറയുന്നു.ഫാസ്റ്റ് ബൌളറാ‍യ റുബെന്‍ ബംഗ്ലാദേശിനായി 22 ടെസ്‌റ്റുകളും 53 ഏകദിനങ്ങളും കളിച്ചിട്ടുണ്ട്.
മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ
ക്ലിക്ക്
ചെയ്യുക.
ഫേസ്ബുക്കിലും
ട്വിറ്ററിലും
പിന്തുടരുക.
