മോഹന്‍ലാലിന്‍റെ ഒപ്പമെത്താന്‍ ഷാരുഖും ആമിറും തമ്മില്‍ വടം‌വലി!

ഒപ്പം ഹിന്ദി റീമേക്കിന് ഷാരുഖും ആമിറും തമ്മില്‍ മത്സരം!

Oppam, Mohanlal, Priyadarshan, Sharukh Khan, Aamir Khan, Oozham, ഒപ്പം, മോഹന്‍ലാല്‍, പ്രിയദര്‍ശന്, ഷാരുഖ് ഖാന്‍, ആമിര്‍ ഖാന്‍, ഊഴം
Last Modified തിങ്കള്‍, 26 സെപ്‌റ്റംബര്‍ 2016 (16:21 IST)
മലയാളത്തിന്‍റെ എക്കാലത്തെയും മികച്ച ഹിറ്റായി മാറുകയാണ് ഒപ്പം. ഈ സിനിമയുടെ ഖ്യാതി ഭാഷകള്‍ കടന്ന് കുതിക്കുകയാണ്. ചിത്രം തമിഴിലേക്ക് റീമേക്ക് ചെയ്യാന്‍ കമല്‍ഹാസന്‍ കച്ചമുറുക്കിക്കഴിഞ്ഞു. മറ്റ് ഭാഷകളിലെ ചര്‍ച്ച പുരോഗമിക്കുകയാണ്.

ഏറ്റവും വലിയ മത്സരം നടക്കുന്നത് ബോളിവുഡിലാണ്. ഒപ്പത്തിന്‍റെ ഹിന്ദി റീമേക്കിനായി ഷാരുഖ് ഖാനും അമിര്‍ ഖാനും തമ്മില്‍ വലിയ മത്സരം നടക്കുന്നതായാണ് റിപ്പോര്‍ട്ടുകള്‍. ഇരുവരുടെയും പ്രതിനിധികള്‍ പ്രിയദര്‍ശനുമായി ചര്‍ച്ചകള്‍ നടത്തിവരികയാണ്.

ഒപ്പം ഹിന്ദി റീമേക്ക് പ്രിയദര്‍ശന്‍ തന്നെയായിരിക്കും സംവിധാനം ചെയ്യുക. ഷാരുഖോ ആമിറോ എന്ന കാര്യത്തില്‍ തീരുമാനമായിട്ടില്ലെങ്കിലും 100 കോടിക്ക് മേല്‍ ബജറ്റിലായിരിക്കും ഈ പ്രൊജക്ട് തയ്യാറാവുകയെന്നാണ് റിപ്പോര്‍ട്ടുകള്‍.

ഒപ്പത്തിന്‍റെ തമിഴ് റീമേക്ക് സംവിധാനം ചെയ്യാന്‍ പി വാസു അടക്കമുള്ള സംവിധായകരും ആലോചന നടത്തുകയാണെന്നും വിവരമുണ്ട്.



ഇതിനെക്കുറിച്ച് കൂടുതല്‍ വായിക്കുക :