ബിഗ് ബജറ്റ് ചിത്രം കിട്ടാന്‍ വഴങ്ങികൊടുക്കും; വെളിപ്പെടുത്തലുമായി ദുല്‍ഖറിന്റെ നായിക

ബിഗ് ബജറ്റ് ചിത്രം കിട്ടാന്‍ വഴങ്ങികൊടുക്കും: ശ്രുതി ഹരിഹരന്‍

AISWARYA| Last Modified ശനി, 19 ഓഗസ്റ്റ് 2017 (08:42 IST)
നടിയുടെ സംഭവം പുറത്തുവന്നതോടെ സിനിമാ ലോകത്ത് നടക്കുന്ന പല സംഭവങ്ങളും ഇതിനോടകം പുറത്ത് വന്ന് കഴിഞ്ഞു. പല നടിമാരും തങ്ങള്‍ക്ക് നേരിടേണ്ടി വന്ന മോശം അനുഭവത്തെ പറ്റി വെളിപ്പെടുത്തിയിട്ടുണ്ട്. അവസരങ്ങള്‍ വാഗ്ദാനം ചെയ്ത് നായികമാരുടെ കൂടെ കിടക്ക പങ്കിടുന്ന സംവിധായകരും സൂപ്പര്‍താരങ്ങളുമുണ്ട്.

ബിഗ് ബജറ്റ്, സൂപ്പര്‍താരങ്ങള്‍ എന്നൊക്കെ കേള്‍ക്കുമ്പോള്‍ പണവും പ്രശസ്തിയും ആഗ്രഹിക്കുന്ന നായികമാര്‍ എന്ത് വിട്ട് വീഴ്ചയ്ക്കും തയ്യാറാവുമെന്ന് കന്നട നടി ശ്രുതി ഹരിഹരന്‍ പറയുന്നു. സോളോ എന്ന ചിത്രത്തില്‍ ദുല്‍ഖറിന്റെ നായികയായെത്തുന്ന ശ്രുതിയ്ക്ക് കാസ്റ്റിങ് കൗച്ചിനെ കുറിച്ച് പറയാന്‍ ചിലതുണ്ട്.

കാസ്റ്റിങ് കൗച്ച് എല്ലാ മേഖലകളിലും നടക്കുന്നുണ്ട് , അതൊരു യാഥാര്‍ത്ഥ്യമാണ് എന്നാണ് ശ്രുതി ഹരിഹരന്‍ പറയുന്നത്. വാസ്തവത്തില്‍ കാസ്റ്റിങ് കൗച്ച് ഒരു ക്രിമനല്‍ കുറ്റം ആണെന്നാണ് ശ്രുതിയുടെ അഭിപ്രായം. അത്തരം കുറ്റകൃത്യത്തിന് പ്രേരിപ്പിയ്ക്കുന്നവരെയും ചെയ്യുന്നവരെയും തിരിച്ചറിയണം എന്ന് നടി പറയുന്നു.

ബിഗ് ബജറ്റ് ചിത്രം കിട്ടുമെങ്കില്‍ നായികമാര്‍ എന്ത് വിട്ടുവീഴ്ചയ്ക്കും തയ്യാറാവാറുണ്ട് എന്ന് ശ്രുതി വെളിപ്പെടുത്തുന്നു. വിട്ട് വീഴ്ച ചെയ്തുകൊണ്ടല്ല കരിയര്‍ മെച്ചപ്പെടുത്തേണ്ടത്. കഴിവുകൊണ്ടാണ്. നിങ്ങള്‍ക്ക് അഭിനയിക്കാന്‍ നല്ല കഴിവുണ്ടെങ്കില്‍ അവസരങ്ങള്‍ വഴിയില്‍ വരും, അതിന് തെറ്റായ വഴി സ്വീകരിക്കരുത് എന്ന് ശ്രുതി പറയുന്നു.



ഇതിനെക്കുറിച്ച് കൂടുതല്‍ വായിക്കുക :