ഉര്‍വ്വശി ഒരുങ്ങുന്നു... മലയാള സിനിമയിലെ നിറസാന്നിധ്യമാകാന്‍ !

മലയാള സിനിമയിലെ നിറസാന്നിധ്യമാകാന്‍ ഇനി ഉര്‍വ്വശിയും !

AISWARYA| Last Updated: ശനി, 21 ഒക്‌ടോബര്‍ 2017 (15:34 IST)
ഒരിടവേളയ്ക്ക് ശേഷം മലയാള സിനിമയിലേക്ക് തിരിച്ചു വരാനുള്ള തയ്യാറെടുപ്പിലാണ് ഉര്‍വ്വശി. ആരാധകരുടെ ഇഷ്ട താരമായ ഉര്‍വ്വശി വിനീത് ശ്രീനിവാസന്‍ നായകനാകുന്ന പുതിയ ചിത്രത്തിലൂടെയാണ് മടങ്ങിയെത്തുന്നത്. മലയാള സിനിമയിലെ പഴയ നായികമാരെല്ലാം വീണ്ടും സിനിമയില്‍ സജീവമാകാനുള്ള തയ്യാറെടുപ്പിലാണ്. അതിന് ഒരു ഉദാഹരണമാണ് നിവിന്‍ പോളി ചിത്രം 'ഞണ്ടുകളുടെ നാട്ടില്‍' ഒരിടവേളയ്ക്ക് ശേഷം ശാന്തി കൃഷ്ണ മടങ്ങിയെത്തിയത്.

മൂന്ന് വര്‍ഷത്തെ ഇടവേളയ്ക്ക് ശേഷം അരവിന്ദന്റെ 'അതിഥികള്‍' എന്ന ചിത്രത്തിലൂടെയാണ് ഉര്‍വ്വശി മലയാളത്തിലേക്ക് തിരിച്ചുവരുന്നത്. ചിത്രത്തിലെ പ്രധാന കഥാപാത്രമാണ് ഉര്‍വ്വശി. മാണിക്യക്കല്ല, 916 എന്നീ ചിത്രങ്ങള്‍ക്ക് ശേഷം അരവിന്ദന്‍ സംവിധാനം ചെയ്യുന്ന ചിത്രമാണ് അതിഥികള്‍. ഉര്‍വ്വശി മാത്രമല്ല ചിത്രത്തില്‍ ശാന്തി കൃഷ്ണയും പ്രധാനകഥാപാത്രമാണ്. സിനിമയില്‍ നായികയായി എത്തുന്നത് നിഖില വിമലാണ്. അതു കൂടാതെ ശ്രീനിവാസന്‍, അജു വര്‍ഗീസ്, ഷമ്മി തിലകന്‍ എന്നിവരാണ് ചിത്രത്തിലെ മറ്റ് താരങ്ങള്‍.



ഇതിനെക്കുറിച്ച് കൂടുതല്‍ വായിക്കുക :