Last Modified വെള്ളി, 18 നവം‌ബര്‍ 2016 (17:07 IST)
അമേരിക്കന്‍ ബോക്സോഫീസ് മോഹന്‍ലാലും നിവിന്‍ പോളിയും ചേര്‍ന്നാണ് ഭരിക്കുന്നത്. മറ്റ് താരങ്ങളുടെ സിനിമകള്‍ക്ക് നല്ല സ്വീകരണം കിട്ടാറുണ്ടെങ്കിലും മോഹന്‍ലാലും നിവിനും തന്നെയാണ് അവിടത്തെ രാജാക്കന്‍‌മാര്‍.
യു എസ് ബോക്സോഫീസില്‍ മോഹന്‍ലാലിന്‍റെ പുലിമുരുകന്‍ വിസ്മയമാകുകയാണ്. അവിടെ ഏറ്റവുമധികം കളക്ഷന്‍ നേടിയ മലയാള ചിത്രമായി പുലിമുരുകന്‍ മാറിയിരിക്കുകയാണ്. നിവിന്‍ പോളിയുടെ ‘പ്രേമം’ ആണ് യു എസ് ബോക്സോഫീസില്‍ രണ്ടാം സ്ഥാനത്ത്.
മോഹന്‍ലാലിന്‍റെ ദൃശ്യം യു എസ് ബോക്സോഫീസില്‍ മൂന്നാം സ്ഥാനത്താണ്. നാലാമത്തെ പൊസിഷനില്‍ നിവിന്‍ പോളിയുടെ ആക്ഷന്‍ ഹീറോ ബിജു ആണ് സ്ഥാനം പിടിച്ചിരിക്കുന്നത്.
അഞ്ചാം സ്ഥാനത്ത് വിനീത് ശ്രീനിവാസന്‍ - നിവിന്‍ പോളി ടീമിന്‍റെ ജേക്കബിന്‍റെ സ്വര്‍ഗരാജ്യമാണുള്ളത്. ആറാം സ്ഥാനത്ത് പ്രിയദര്‍ശന്‍ - മോഹന്‍ലാല്‍ ടീമിന്‍റെ ഒപ്പം.
യു എസ് ബോക്സോഫീസില്‍ ആദ്യത്തെ 10 സ്ഥാനങ്ങളില്‍ മമ്മൂട്ടിച്ചിത്രമില്ല എന്നതും ശ്രദ്ധേയമാണ്. ടു കണ്‍‌ട്രീസ്, എന്ന് നിന്‍റെ മൊയ്തീന്‍, ചാര്‍ലി, ബാംഗ്ലൂര്‍ ഡെയ്സ് എന്നിവയാണ് ഏഴുമുതല്‍ 10 വരെയുള്ള സ്ഥാനങ്ങളില്‍.
