അങ്കമാലിയില്‍ പ്രധാനമന്ത്രി മാത്രമല്ല, നല്ല എരിവുള്ള പിള്ളേരുമുണ്ട്!
അങ്കമാലിയിലെ യുവാക്കളുടെ വീറുറ്റ കഥ - അങ്കമാലി ഡയറീസ്
Last Updated:
ചൊവ്വ, 24 ജനുവരി 2017 (15:36 IST)
ലിജോ ജോസ് പെല്ലിശ്ശേരിയുടെ പുതിയ സിനിമ അങ്കമാലി ഡയറീസ് പ്രദര്‍ശനസജ്ജമായി. ചിത്രത്തിന്‍റെ ട്രെയിലര്‍ പുറത്തുവന്നു. ഫ്രൈഡേ ഫിലിം ഹൌസിന്‍റെ ബാനറില്‍ വിജയ് ബാബുവാണ് ചിത്രം നിര്‍മ്മിക്കുന്നത്.
നടന്‍ ചെമ്പന്‍ വിനോദ് ജോസാണ് പുതുമുഖങ്ങള്‍ പ്രധാനകഥാപാത്രങ്ങളെ അവതരിപ്പിക്കുന്ന ഈ സിനിമയുടെ തിരക്കഥ രചിച്ചിരിക്കുന്നത്. അങ്കമാലിയിലെ ഒരുകൂട്ടം യുവാക്കളുടെ വീറുറ്റ കഥയാണ് ചിത്രം പറയുന്നത്.
സുബ്രഹ്മണ്യപുരം, നാടോടികള്‍ പോലെയുള്ള തമിഴ് ചിത്രങ്ങളില്‍ കണ്ടിട്ടുള്ള ആഖ്യാനശൈലിയാണ് അങ്കമാലി ഡയറീസിന് സംവിധായകന്‍ സ്വീകരിച്ചിരിക്കുന്നത്.
ഡബിള്‍ ബാരല്‍ എന്ന പരാജയചിത്രത്തിന് ശേഷം ലിജോ ജോസ് പെല്ലിശ്ശേരിയുടെ സംവിധാനസംരംഭമാണിത്.
