സെയ്ഫ് അലി ഖാന്റെ കടുത്ത ആരാധികയാണ് ഇഷാ തൽവാർ. ഇപ്പോൾ അദ്ദേഹത്തിന്റെ നായികയായിരിക്കുകയാണ് താരം. തട്ടത്തിൻ മറയത്ത് എന്ന സിനിമയിലൂടെ വിനോദിന്റെ മനസ്സിലേക്ക് മാത്രമല്ല മലയാളികളുടെ മനസ്സിലേക്കും ഇടിച്ചു കയറിയ താരമാണ് ഇഷ. ഇപ്പോൾ സെയ്ഫിന്റെ നായികയായി ബോളിവുഡിലേക്കും ചിറക് വിടർത്തി പറക്കുകയാണ് താരം.

സിനിമയെക്കുറിച്ചോ അതിലെ തന്റെ വേഷത്തെക്കുറിച്ചോ ഒന്നും ഇപ്പോൾ പറയാൻ സാധിക്കില്ലെന്നും താൻ വളരെ സന്തോഷത്തിലാണെന്നും താരം വ്യക്തമാക്കി. സെയ്ഫിന്റെ കടുത്ത ആരാധികയായതിനാൽ അവസരം ലഭിച്ചപ്പോൾ മറ്റൊന്നും ആലോചിച്ചില്ല. ആദ്യമൊക്കെ ഭയമുണ്ടായിരുന്നു എന്നാൽ അദ്ദേഹം നന്നായി സഹകരിക്കുന്ന വ്യക്തിയായതിനാൽ പരിഭ്രമം പിന്നീട് രസകരമായെന്നും ഇഷ വ്യക്തമാക്കി.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം