വാണിജ്യവിജയത്തില്‍ ഈ വര്‍ഷം രണ്ടാം സ്ഥാനത്ത് സൂപ്പര്‍സ്റ്റാര്‍ മോഹന്‍ലാലാണ്. 29 കോടി രൂപയാണ് ഈ വര്‍ഷം മോഹന്‍ലാലിന്‍റെ ഹിറ്റ് ചിത്രങ്ങളെല്ലാം ചേര്‍ന്ന് വാരിക്കൂട്ടിയത്.
ദിലീപിനെപ്പോലെ തന്നെ ഒരു പരാജയചിത്രവുമായാണ് മോഹന്‍ലാലും വര്‍ഷത്തിന് തുടക്കമിട്ടത് - കാസനോവ. എന്നാല്‍ പിന്നീട് കളം നിറഞ്ഞുകളിക്കുന്ന താരരാജാവിനെയാണ് മലയാളം കണ്ടത്. ഗ്രാന്‍റ്മാസ്റ്റര്‍, സ്പിരിറ്റ്, റണ്‍ ബേബി റണ്‍ എന്നിങ്ങനെ തുടര്‍ച്ചയായി വന്‍ ഹിറ്റുകള്‍ സൃഷ്ടിക്കുകയാണ് മോഹന്‍ലാല്‍ ചെയ്തത്.
ഇതില്‍ ജോഷി സംവിധാനം ചെയ്ത റണ്‍ ബേബി റണ്‍ മാത്രം 15 കോടിയില്‍ പരം കളക്ഷന്‍ നേടി. അമാനുഷ കഥാപാത്രങ്ങളെയെല്ലാം പടിയടച്ച് പുറത്താക്കുകയും മികച്ച തിരക്കഥകള്‍ തെരഞ്ഞെടുത്ത് അഭിനയിക്കുകയും ചെയ്യാനുള്ള തീരുമാനമാണ് മോഹന്‍ലാലിനെ മലയാളത്തിന്‍റെ ഏറ്റവും താരമൂല്യമുള്ള നടനായി നിലനിര്‍ത്തുന്നത്.
