എ.എം. രാജ - വേറിട്ട ശബ്ദം, തേന്‍ പുരണ്ട ശബ്ദം

PRO

തെന്നിന്ത്യയിലെ മികച്ച പിന്നണി ഗായകരിലൊരാള്‍, മലയാളിയുടെ മനസ്സില്‍ മായാത്ത മുദ്ര പതിപ്പിച്ച പാട്ടുകാരന്‍ തേന്‍ പുരണ്ട ശബ്ദത്തിന്‍റെ ഉടമ - എം.എം.രാജ.

അദ്ദേഹത്തിന്‍റെ ആകസ്മികവും ദുരന്തപൂര്‍ണവുമായ വേര്‍പാടിന്‍റെ ദിനമാണ് ഏപ്രില്‍ എട്ട്. 1989 ഏപ്രില്‍ എട്ടിന് തിരുനെല്‍വേലി റയില്‍വേസ്റ്റേഷനില്‍ നിന്ന് തീവണ്ടിയില്‍ കയറവെ കാലിടറി വീണ് തീവണ്ടിക്കും പ്ളാറ്റ്ഫോമിനും ഇടയില്‍പ്പെട്ടാണ് അദ്ദേഹം മരിച്ചത്.

ദേവതാരു പൂത്ത നാളൊരു ദേവകുമാരിയെ (മണവാട്ടി),
കാട്ടചെന്പകം പൂത്തുലയുന്പോള്‍ (വെളുത്ത കത്രീന),
താഴന്പൂമണമുള്ള തണുപ്പള്ള (അടിമകള്‍),
ആകാശഗംഗയുടെ കരയില്‍ (ഓമനക്കുട്ടന്‍),
കിഴക്കേ മലയിലെ വെണ്ണിലാവൊരു...

എന്നിവ എ എം രാജയുടെ ഭാവസാന്ദ്രവും ഹൃദ്യവുമായ ഗാനങ്ങളാണ്.

പെരിയാറേ പെരിയാറേ (ഭാര്യ),
ചന്ദ്രികയിലലിയുന്നു ചന്ദ്രകാന്തം (ഭാര്യമാര്‍ സൂക്ഷിക്കുക),
പാലാഴിക്കടവില്‍ നീറാട്ടിനിറങ്ങയ (കടലമ്മ),
കണ്‍മണി നീയെന്‍ കരംപിടിച്ചാല്‍ (കുപ്പിവള),
ചന്ദനപ്പല്ലക്കില്‍ വീടുകാണാന്‍ വന്ന (പാലാട്ടുകോമന്‍),
മയില്‍പ്പീലി കണ്ണുകൊണ്ട് (കസവുതട്ടം) പാലാനാണ് തേനാണ..,
പഞ്ചാര പാലുമിഠായി ആര്‍ക്കു വേണം..,

എന്നിങ്ങനെ ഒരിയ്ക്കലും മറക്കാനാവാത്ത യുഗ്മഗാനങ്ങളിലും എ.എം.രാജയെന്ന ഗായകന്‍ ജീവിക്കുന്നു.

ലോകനീതി എന്ന ചിത്രത്തിനു വേണ്ടി അഭയദേവ് എഴുതി ദക്ഷിണാമൂര്‍ത്തി സംവിധാനം ചെയ്ത കണ്ണാ നീയുറങ്ങ് ... ആണ് രാജയുടെ ആദ്യ മലയാള ഗാനം. ദക്ഷിണേന്ത്യന്‍ സിനിമാ ഗായികമാരില്‍ പ്രസിദ്ധയായ കൃഷ്ണവേണി എന്ന ജിക്കിയാണ് ഭാര്യ.